roaldmagazine

  Bolshevizma dhe Myslimanizma HAFIZ ALI ( Një këndvështrim interesant nga Hafiz Aliu mbi kotësinë e teorive barazitare të majta dhe urtësitë kuranore se si duhet ta shohi një besimtar veten e vet dhe rolin e tij në këtë botë. Ndryshimet në pasuri dhe në atë që i ka furnizuar Zoti besimtarët e vet Hafiz Aliu i sheh si nxitje për të punuar dhe për t’u dalluar secili prej nesh me përpjekjet e veta. Njerëzia nuk mund të jenë “njësoj apo të barabartë”, sepse kjo do të ishte padrejtësi dhe Zoti i Madhëruar është i Drejti. Por më mirë le të lexojmë atë mesazh që na përcjell dijetari i shquar Hafiz Ali Korça. )           Para se të fillojmë të flasim për çështjen, të flasim pak përmbi rrënimet njerëzore dhe qytetërore që i ka sjellë botës rreziku i kuq e i zjarrtë i bolshevizmit. Për ta ndriçuar duhet të tregojmë thelbin e këtij ajeti që urdhëron Zoti në Suren Shura (ajeti 27): و لو بسط الله الرزق لعباده لبغوا في الأرض و لك...

Viti i Zi 1967 Në atë vit të largët u mor një vendim shumë i zi për të gjithë ata që besonin në Zot, si të Krishterë po ashtu edhe Muslimanë. Edhe në Kuranin Famëlartë ku flitet për shtëpitë, ku përmendet shumë emri i Zotit të Madhëruar Allahut, Dhul Xhelali uel Ikram, xhamitë e kishat, e sinagogat, vende ku i luten njerëzit Zotit, mu këto vende u mbyllën me ligj për të mos i hapur më (normalisht kjo për një afat të shkurtër fare, se Zoti nuk mund ta lejonte një gjë të tillë vazhdimisht). Njerëzve iu mësohej ateizmi nëpër shkolla fillore, 8-vjeçare, të mesme e të larta dhe një fëmijë në një shkollë të Tiranës mbasi kishte mbaruar mësimin, ku i kishin thënë që nuk ka Zot shkon me vrap te gjyshja e vet dhe e gjen tek oborri i shtëpisë. Plaka ishte ulur dhe po tymoste një cigare e qetë, duke mendu për hallet e veta. Djali i shkon me vrap dhe i thotë: -O ije, o ije, ku osht Zoti mi ta shof, ho mi pra... -Tyt he dreq, po ku ke bythë ti me e pa Zotin? Mër QAFIR- plaka hoqi nal...

Tingëllimë Disa dhimbje t'i nxjerrin vargjet rrëke Disa të tjera ta bllokojnë edhe lotin Të parat me shpresën lidhen, përmbi dhé, Të dytat përmendin veçse Zotin. Ka dhimbje mendt t'i marrin, kohën ta hanë kot të tjera me kohën miqsohen, e t’nesërmet mbeten përherë sot Ato të parat si kripa treten, ngadalë, Të dytat merren vesh si vaji me ujin, pa fjalë... Ndërsa jeta ec nga dhimbja në dhimbje, me gëzimet përqafuar Koka don me ik prej supeve e zemra prej kraharorit, E këto të dyja njëra-tjetrën duke kërkuar. Shkojnë ndër rrugë t’erandshme, zhavorrit, Zbathur mendimesh në rrugëtimin e hënës, Me dhimbjet e babës e lotët e nënës… A. HYSA  &  R.A. HYSA        ⇊            ❤❤

Sa bote interesante!!!!???? nga Ditari Shvejkut Kur Barack Obama fitoi zgjedhjet e dyta si president i SHBA, i gjithe establishmenti i majte liberal (e jo vetem) ngelen duke i thurur lavde aftesive te mahniteshme te Obamas dhe rrjetit Facebook. Modeli i fushates se Obamas, i cili mundi nje kandidat serioz si Romney, u mor ne konsiderate dhe nisi te studiohej edhe ne fushen e shkencave politike dhe komunikimit.  C'beri Obama? Perdori algoritmet e FB ne interesin e fushates se tij. Ndertoi nje fushate  te bazuar ne FB dhe gjithe postimet e tij perpiqeshin te krijonin nje target grup ne FB. Disa vite me vone, kur Facebook u perdor ne te famshmen Pranvere Arabe apo edhe revolucione te tjera (perfshire edhe protesten kunder armeve kimike ne Shqiperi) u konsiderua si nje pushtet ne sherbim te demokracise. Sot, Facebook nuk konsiderohet si nje mik i liberaleve (e nese s'je i liberaleve nuk je as i demokracise). The Economist, kishte nje numer te dedikuar rrjete...

Vajza gjimnaziste që përshëndesin kamikazet që po nisen me mision me degë të lulëzuara Kamikazet dhe Era Hyjnore Kamikaze – në kuptimin e sotëm dihet që kamikazët janë luftëtarë që shkojnë me ndërgjegje të plotë drejt vetë-asgjësimit. Në momentin e parë të sjellin në kujtesë pikërisht ata luftëtarë japonezë që me avionët-bomba shkatërruan flotën amerikane të Perl Harbor dhe kështu nisi Lufta e Dytë Botërore edhe për Shtetet e Bashkuara. Në fakt kuptimi i fjalës Kamikaz në japonisht do të thotë Era Hyjnore, apo Era e dërguar nga Zoti, dhe i referohet vitit 1278 kur Mongolët ngritën një flotë për të pushtuar Japoninë. Hordhitë mongole të Khubilai Khanit të përbëra nga mongolë, koreanë e kinezë të transportuara nga një flotë gjigante për kohën ankoruan në brigjet japoneze për ta pushtuar Japoninë. Gjatë qëndrimit të ankoruar në pritje të urdhrit për luftë një erë e fuqishme shkaktoi furtunë dhe e shkatërroi pothuajse të gjithë flotën mongole, duke e bërë të pamundshme pushti...

Vdekja e Enver Hoxhës dhe Abdulla Berberi Vdekja e Enver Hoxhës u përjetua në forma të ndryshme nga njerëz të ndryshëm në qytet dhe në fshat. Vetëm se kryeqyteti ka qenë një problem mbi jetën publike, ku nuk mund të shfaqeshe në asnjë mënyrë si dikush që nuk e kishe ndjerë “humbjen” e udhëheqësit. Mjetet për t’u informuar, pra, radiot e televizorët ishin në numër të kufizuar dhe jo kushdo kishte aparate të tilla. Kjo është historia se si e përjetoi marrjen e lajmit të vdekjes së Enver Hoxhës një ish-i dënuar politik i burgjeve të regjimit komunist Abdulla Berberi. Monarkist dhe anti-komunist i orëve të para kalon nëpër ferrin e burgjeve dhe pasi arrin të dalë nga burgu me shumë sakrifica martohet dhe kryen shkollën e ndërtimit natën e del inxhinier. Ngado që punoi e ndoqi biografia e keqe nga mbrapa, atë, gruan e tij dhe të dy djemtë. Me shumë sakrifica arrin të dali në pension pikërisht atë kohë kur vdes Enver Hoxha. Abdullai nuk e kishte marrë vesh akoma më 11 prill që Enve...

Kompetencat presidenciale pas referendumit turk Nga Amir Ahmeti Referendumi në Turqi: 51.3% PO - 48.7% JO Përveç që ushtrisë i hiqen kompetenca politike, nuk fuqizohet aq shumë pozita e presidentit siq trumbetohet. Ja ndryshimet kushtetuese rreth presidencës: 1. Presidenti nuk ka të drejt të nxjerrë vendim ekzekutiv që prekun të drejtat fundamentale të njeriut, ato personale dhe politike. 2. Ai nuk mund të nxjerrë vendim ekzekutiv për çështje që qartësisht janë të rregulluara me ligj. 3. Në rast të kontradiktës mes vendimit ekzekutiv të presidentit dhe ligjeve, aplikohen ligjet e jo vendimi i presidentit. 4. Në rast se Parlamenti vendos për një çështje të njëjtë, vendimi ekzekutiv i presidentit anulohet dhe mbetet ai i Parlamentit. 5. Çdo vendim i Presidentit është subjekt i rishikimit nga Parlamenti dhe Gjykata Kushtetuese. 6. Dhe e fundit për këtë ilustrim, sipas sistemit presidencial të tanishëm presidenti turk mund të ndiqet penalisht vetëm për tradhti dhe ...

Prilli i thyer i Shqiptarisë* Nga Roald A. HYSA Prilli është një muaj i mbushur me shumë data të rëndësishme për historinë moderne të Shqiptarëve, edhe ma herët se sa ditëvdekja e diktatorit. 7 prilli, apo e premtja e zezë është dita e parë, e cila shenjon fillimin e ndryshimeve të rëndësishme për keq apo për mirë, gjykimin po ua lejmë juve. Kasta politike e kohës hoqi dorë nga sovraniteti juridik dhe i vendimmarrjes politike në disa drejtime, dhe mbajtën për veten e tyre ngarkesën administrative të problemeve. Më 9 Prill 1961 ndërroi jetë në Francë "Zogu I-rë Mbret i Shqiptarëve".   Me emrin e tij lidhet ngushtë krijimi i shtetit të parë shqiptar dhe ishte arkitekti dhe mbrojtësi i "Kongresit të Lushnjes" nga ku u emërua ministër i brendshëm i qeverisë së parë shqiptare, e cila i dha jetë Shtetit Indipendent.   Pak vite më pas në vitin e errët 1967, kur në prill u sekuestruan të gjithë pronat e komuniteteve fetare pas një lufte të ashpër e të drejtëpërd...

Kush ka informacion, apo kush mendon se njeh dikë le të na ndihmojë... Më duhet informacion rreth hoxhallarëve të persekutuar apo që kanë folur kundra regjimit komunist... Në informacionet bazë janë fillimisht: Emër, atësia, mbiemër Çfarë shkollimi ka pasur ? Lloji i persekutimit : pushkatim, burg, i vdekur në burg, internim, dëbim, shpallja kulak, sekuestrim i tokës së tepërt nga Reforma Agrare, tatimet e jashtëzakonshme, diskreditim në publik, heqja e mjekrës, marrja e bibliotekës fetare të hoxhës etj Nëse disponohen dokumente, si fjala vjen dëshmi penaliteti, apo të qëndrimit në burg, apo të internimit... apo çdolloj dokumenti Nëse ka botime lokale ku tregohet mbi jetën e hoxhallarëve Fotografi të hoxhallarëve Nr. Kontakti: 067 25 32 783 E- mail roald.hysa@gmail.com https://www.facebook.com/roald.hysa

Morali “i harruar” i Profetit tonë alejhi salatu ue selem si model suksesi “Unë jam dërguar për të përsosur moralet e larta... Muhamedi alejhi salatu ue selem .” Synimi i moraleve të mira është që t’ia lehtësojnë jetën njeriut dhe në shoqëri të arrihet një mirëkuptim më i madh i grupimeve të ndryshme të saj. Në vijim po ju përcjell një diskutim publik me hoxhë Dorian Balliu nga Elbasani mbi një hadith të Profetit tonë të dashur Muhamedit alejhi selam. Diskutimi me hoxhën na sjell në vëmendje, se do të ishte mirë, jo vetëm mirë, por një domosdoshmëri, një detyrim për të gjithë ne që e duam Profetin alejhi selam, jo vetëm të pajisemi me moralet e larta profetike, por këto morale t’i jetësojmë sa më realisht dhe me nijetin e pastër dhe sinqeritet për Allahun e Lartësuar. Mendoj se është e nevojshme, që fillimisht të nisi një fushatë sensibilizuese në rrjetet sociale mbi këtë temë e më pas të ngrihet një mexhlis i madh, ku të diskutohet e të përcillen moralet e larta të më të ...

SI U LUFTUAN ZAKONET “PRAPANIKE”? Nga Avokat Xhafer Sadiku Lufta e regjimit komunist kundër fesë dhe zakoneve të “vjetra” daton që me marrjen e pushtetit, por në fillim të viteve 1960 lufta u ashpërsua duke aktivizuar Frontin Demokratik dhe mësuesit. Këshillat pedagogjike u ngarkuan me detyrë të raportonin në fund të çdo viti mësimor, se çfarë kishin bërë gjatë vitit “kundër kundër zakoneve prapanike”, madje u ishte thënë që “…pranë këshillit pedagogjik të ketë një dhomë të propagandës ateiste”. Më 3 prill 1962, Sekretariati i Komitetit Qendror të PPSH e diskutoi problemin duke thirrur disa nga sekretarët e partisë në rrethe, për të ekspozuar situatën në terren. Një nga zakonet “prapanike”, sipas drejtuesve të partisë, ishte edhe mos dalja e vajzave dhe nuseve të reja kur ata vinin nëpër shtëpitë e fshatarëve. Një zakon i tillë ishte pothuaj se në të gjitha rrethet e vendit. Veshja tradicionale e grave konsiderohej zakon prapanik etj. Sekretari i komitetit të partisë...

Kur një GRUA me amanet ia mbledh edhe MBRETIT! (Gruaja që la tokën vakëf për gratë që do të lindnin vetëm vajza) Kalifja Mensur kërkon dorën e një femre, dhe duke qenë se në kohën e tyre martesa me më shumë se një grua ishte më shumë se normale, ERVA apo siç njihej ndryshe UMU MUSA i vendosi kusht Kalifit Mensur, që nuk ia bënte kush fjalën dysh dhe i tha: -Sa të jem unë gjallë s’do të kesh grua tjetër në jetën tënde,- dhe MBRETI pranoi dhe ju përmbajt fjalës së dhënë bashkëshortes së tij. Por kjo grua nuk e bëri të njohur ky veprim, aq sa u njoh me një veprim tjetër: Ajo kishte një tokë të madhe, të cilën e shndërroi në tokë vakëf (pronë që i shërben vetëm një qëllimi të përcaktuar dhe nuk shitet), për të ndihmuar vetëm një kategori njerëzish: PËR GRATË QË LINDNIN VAJZA, duke luftuar në këtë formë mentalitetin e gabuar të parapëlqimit të djemve ndaj vajzave , dhe një luftë e tillë vazhdoi për 100 vjet pas vdekjes së saj. nga hoxhe Gentian Mara

Xhamitë e vjetra historike të Durrësit Vakëfet e vjetra të Durrësit janë një pjesë integrale e zhvillimit të këtij qyteti të rëndësishëm bregdetar. Ndryshimet urbane të pas viteve 1920 sollën edhe ndryshimin e paraqitjes urbanistike të qytetit dhe ndikuan gjithashtu edhe mbi vakëfet, si pjesë e trashëgimisë shpirtërore që vinte nga e kaluara. Zhvillimi dhe mirëmbajtja normale e vakëfeve u ndërpre brutalisht me ligj në vitin 1967. Pasojat dhe dëmet e shkaktuara gjatë asaj kohe ndihen edhe sot. Zhdukja dhe shndërrimi i tyre synonte fshirjen nga kujtesa kolektive e popullit të të gjithë kësaj trashëgimie materiale e shpirtërore. Deri në vitin 1930 para se të fillonte plani i ri rregullues i Durrësit kanë ekzistuar tre xhami. Xhamia Kaja Hanëmit pranë Hamamit Turk, Xhamia Fatih dhe Xhamia e Varoshit. Xhamia Kaja Hanëm është bombarduar, kur qyteti u rrethua nga Haxhi  Qamili. Kjo xhami më pas në planin e ri të qytetit nuk figuron askund, del vetëm në një foto të viteve 1920. N...

SI U SHKRUAJT HISTORIA E SHQIPËRISË Nga Avokat Xhafer Sadiku I. Procesi i shkrimit të historisë së Shqipërisë vazhdoi për vite me radhë. Për hartimin e vëllimit të dytë punuan 13 historianë dhe bashkëpunëtorë të vendit dhe të jashtëm. Maketi i historisë së Shqipërisë u diskutua edhe në Bashkimin Sovjetik dhe Bullgari, diskutim që u quajt shumë i dobishëm për historianët shqiptarë. Pati 50 diskutime nga rusët dhe 20 nga bullgarët.     Në vëllimin e parë pati ndikim të veçantë Prof. A. F. Millor dhe diskutimet kryesore të historianëve sovjetikë. Përveç kësaj profesor Millor punoi gjatë dy muajve bashkë me redaksinë në Shqipëri në përgatitjen e atij vëllimi. Vrejtjet e bëra në Moskë e Sofie u morën parasysh edhe në ripunimin e vëllimit të dytë, i cili në formën përfundimtare pësoi ndryshime rrënjësore në krahasim me maketin. Ato kishin të bënin me: 1- Çeshtja e periodizimit Si në Moskë dhe në Sofie pati pikpamje të ndryshme, por çeshtja u zgjidh në bashkëpunim...