I Dërguari i Allahut Muhamedi
I Dërguari i Allahut Muhamedi
alejhi salatu ue selam
Prejardhja familjare
Ai është Ebul Kasim (babai i Kasimit), Muhamedi, i biri i
Abdullahut, i biri i Abdul-Mutalibit.
Gjurmët e tij të prejardhjes familjare na çojnë tek fisi
i Adnanit, i biri i Ismailit a.s. (Profet i Allahut xh.sh.), i biri i Ibrahimit,
të cilin Allahu e ka zgjedhur mikun e tij. Nëna
e tij quhej Emine, vajza e Vehbit.
Profeti a.s. ka thënë:
“Vërtetë Allahu xh.sh. zgjodhi fisin e Kenanit mbi
fiset e tjera nga fëmijët e Ismailit a.s. Ai zgjodhi fisin e Kurejshëve mbi
fiset e Kenanit; Ai zgjodhi Benu Hashimët mbi familjet e tjera të Kurejshëve
dhe Ai më zgjodhi mua nga Benu Hashimët.” (Muslimi nr. 2276)
Nga kjo thënie kuptohet se Profeti a.s ka prejardhjen
familjare më të lartë mbi tokë. Armiqtë e tij e dëshmonin këtë fakt:
Ebu Sufjani që ishte armik i betuar i Islamit përpara se
të bëhej musliman, e dëshmoi këtë fakt përpara Herakliut, Sunduesit të Romës.
Abdullah ibn Abasi, Allahu qoftë i kënaqur me të,
përcjell se i Dërguari i Allahut a.s. i shkroi Cezarit duke e ftuar atë në
Islam dhe i dërgoi një letër nëpërmjet Dihja El-Kalbit, që ia dorëzoi atë
Guvernatorit të Basrës, i cili ia përcolli më pas letrën Cezarit.
Cezari si shenjë mirënjohje ndaj
Allahut xh.sh. marshoi nga Himsi drejt Jeruzalemit, kur Allahu xh.sh. i dhuroi
fitoren mbi forcat perse. Kështu që kur letra e të Dërguarit të Allahut xh.sh.
i mbërriti Cezarit, ai pasi e lexoi tha:
“Kërkoj të më gjeni ndonjërin nga
njerëzit e tij nga fisi i Kureishëve dhe nëse dikush është i pranishëm këtu, ma
sillni që ta pyes atë për të Dërguarin e
Allahut xh.sh.
Në atë kohë Ebu Sufjani ishte në
Sham si tregtar gjatë armëpushimit që ishte shpallur midis të Dërguarit të
Allahut xh.sh. dhe të pafeve Kureishitë. Ebu Sufjani thotë: “Korrieri i Cezarit
na gjeti diku në Sham, kështu që më shpuri mua dhe shokët e mi në Ilija (emri
arab i Jeruzalemit) dhe ne u lejuam të hynim në praninë e Cezarit, të cilin e
gjetëm të ulur në oborrin e tij mbretëror. Ai mbante mbi kokë kurorën
mbretërore dhe ishte i rrethuar nga funksionarët më të lartë bizantinë.
Ai i tha përkthyesit të tij:
“Pyeti ata se kush prej tyre
është më i afërti i atij që pretendon se është Profet?
Ebu Sufjani thotë:
Unë iu përgjigja: “Unë jam njeriu
më i afërt me atë njeri”.
Ai pyeti “Çfare niveli
marrëdhëniesh keni ju me atë”?
Unë iu përgjigja: “Ai është
kushëriri im dhe nuk ka asnjë prej Beni Abdi Menafëve në karvan përveç meje.
Cezari tha: “Lejojeni të afrohet”
dhe atëherë ai urdhëroi që shokët e mi të qëndronin pas meje në krahun tim dhe
i tha përkthyesit të vet:
“Thuaju shokëve të tij që unë do
ta pyes këtë njeri rreth burrit që pretendon se është Profet”, në qoftë se ky
njeri do të thotë qoftë edhe një gënjeshtër, ata duhet ta kundërshtojnë
menjëherë.
Ebu Sufjani shtoi: “Për Allahun
xh.sh. A nuk është turp për mua që shokët të më quajnë gënjeshtar dhe nuk do të
thosha të vërtetën rreth tij kur ai më pyeti mua. Por unë e konsideroj të
turpshme të quhem gënjeshtar nga shokët e mi, kështu që unë thashë të vërtetën.
Ai atëherë i tha përkthyesit të
tij:
- Pyete se kujt familje i përket?
Unë iu përgjigja:
- Ai i përket një familjeje të
nderuar midis nesh. - Ai pyeti:
- A ka pretenduar ndonjëherë
ndonjëri prej jush të njëjtën gjë që pretendon edhe ai? - Unë iu përgjigja:
- Jo! - Ai pyeti:
- A e ndjekin fisnikët ose të
varfërit? - Unë iu përgjigja:
- Janë të varfërit që e ndjekin
atë. - Ai pyeti:
- A rritet numri i ndjekësve apo
po ulet? - Unë iu përgjigja:
- Ata po rriten. - Ai pyeti:
- Mos vallë ndonjëri prej atyre
që përqafon këtë besim, më pas ndjehet i pakënaqur dhe e braktis këtë besim. -
Unë iu përgjigja:
- Jo. - Ai pyeti sërish:
- A është prej atyre që nuk e
mbajnë premtimin? - Unë iu përgjigja:
- Jo, por tashmë ne jemi në
armëpushim me atë dhe ne ndjehemi të frikësuar se ai mund ta shkelë premtimin.
- Ebu Sufjani shtoi: - Përveç fjalisë së fundit unë nuk munda të them asgjë
tjetër kundër tij. - Atëherë Cezari e pyet:
- A keni pasur ndonjë luftë me
të? Unë iu përgjigja:
- Po. - Ai pyeti:
- Si ka qenë përfundimi i
luftërave me të? - Unë iu përgjigja:
- Në disa raste ka dalë ai
fitimtar e në disa raste ne. Ai pyeti:
- Çfarë ju urdhëron ai juve?
- Ai na thotë të adhurojmë
Allahun, të vetem pa shok, dhe të mos adhurojmë dikë tjetër përveç tij, dhe t’i
braktisim të gjithë ata idhuj që stërgjyshërit tanë adhuronin.
- Ai na urdhëron të falemi, të
japim për bamirësi, të jemi të përmbajtur, të mbajmë premtimet dhe ta kthejmë
atë që na është dhënë në mirëbesim.
Kur ia thashë këtë Cezarit, ai i tha përkthyesit të
tij:
- Thuaji atij “Unë të pyeta për prejardhjen e tij
familjare dhe ju m’u përgjigjët se ai i përkiste një familjeje fisnike të
nderuar”, në fakt të gjithë të Dërguarit rrjedhin prej familjeve më të nderuara
të kombeve të tyre.
Atëherë unë të pyeta nëse dikush midis jush e ka
pretenduar një gjë të tillë dhe përgjigjja juaj ishte negative, në qoftë se
përgjigjja do të ishte pozitive, unë do të kisha menduar se ky njeri po ndiqte
një pretendim që ka qenë thënë para tij. Kur të pyeta nëse ai ishte fajësuar
ndonjëherë se gënjente, përgjigjja jote ishte negative; kështu unë e mora si të
vërtetë se një njeri që nuk i thotë gënjeshtra njerëzve nuk do të mundej kurrë
të gënjejë për Allahun xh.sh.
Atëherë unë të pyeta nëse ndonjë nga paraardhësit e
tij ka qenë mbret, përgjigjja jote ishte negative dhe në qoftë se do të ishte
pozitive unë do të mendoja se ky njeri po orvatej të merrte mbretërinë e
paraardhësve të tij.
Kur të pyeta nëse ishin të pasurit apo të varfrit, ata
që ndiqnin rrugën e tij, ti m’u përgjigje që ishin të varfërit ata që pasonin
rrugën e tij. Në fakt të tillë janë ndjekësit e të Dërguarve. Atëherë unë të
pyeta nëse numri i pasuesve po rritej apo po ulej, ti m’u përgjigje se ata po
rriteshin, në fakt ky është rezultat i besimit të vërtetë deri sa ai është i
kompletuar në të gjitha drejtimet.
Unë të pyeta ty nëse dikush prej atyre që e kishin
përqafuar besimin e tij shndërroheshin në të pakënaqur dhe e braktisnin besimin
e tij, përgjigja jote ishte negative. Në fakt kjo është shenjë e besimit të
vërtetë në çastin kur kënaqesia hyn dhe bashkohet me zemrën plotësisht, asnjeri
nuk do të ndihet i pakënaqur me të.
Unë të pyeta ty më tej nëse ai e thyen premtimin e
tij, përgjigja jote ishte negative dhe të tillë janë të Dërguarit e Allahut
xh.sh., ata nuk i thyejnë kurrë premtimet.
Kur unë të pyeta nëse ju keni luftuar me të dhe ai ka
luftuar me ju; ti m’u përgjigje se ai kishte luftuar kundra jush dhe disa herë
kishte dalë ai fitimtar dhe disa herë kishit fituar ju. Në të vërtetë, të tillë
janë të Dërguarit, ata janë vënë në sprove dhe fitorja përfundimtare u përket
gjithmonë atyre. Atëherë unë të pyeta se çfarë ju porosit ai juve?
Ti m’u përgjigje se ai ju porosit juve të adhuroni
Allahun xh.sh., të vetëm pa ortak, dhe të mos adhuroni tjetër kënd përveç tij,
t’i braktisnit ato që paraardhësit tuaj adhuronin, të faleshit, të thoni të
vërteten, të jeni të përmbajtur, të mbani premtimet dhe të riktheni atë që iu
është besuar juve. Në të vërtetë këto janë cilësitë e një Profeti, të cilin unë
e di (nga librat e shenjtë të mëparshëm) që do të shfaqet, por unë nuk e dija
që ai do të ishte nga mesi juaj. Në qoftë se ajo që thua është e vërtetë, ai
shumë shpejt do të pushtojë botën gjatë periudhës time, dhe në qoftë se unë do
ta dija se do ta pasojnë atë përfundimisht, unë do të nisesha në këtë çast ta
takoja atë dhe në qofsha me të, atëherë unë pa dyshim do t’i laja këmbët atij.
Ebu Sufjani shtoi: “Cezari atëherë kërkoi për letrën e
të Dërguarit të Allahut xh.sh. dhe ajo u lexua”.
Përmbajta e saj ishte:
Me Emrin e Allahut, Mëshiruesit dhe Mëshirëbërësit.
Kjo letër është prej Muhamedit, robit të Allahut, i
Dërguari i Tij, drejtuar Herakliut Sundimtarit te Bizantit.
Paqja qoftë mbi të gjithë ndjekësit e rrugës së
drejtë. Unë ju ftoj juve të përqafoni Islamin (t’i dorëzoheni Allahut xh.sh).
Pranoni Islamin dhe ju do të gjeni prehje dhe siguri, pranoni Islamin dhe
Allahu xh.sh do t’ju dhurojë shpërblim të dyfishtë. Por nëse ju e refuzoni këtë
thirrje për në Islam ju do të jeni përgjegjës që do ta çoni në rrugë të gabuar
kombin tënd.
“Thuaju (o i dërguar): “O ithtarë të librit
(Tevrat e Inxhil), ejani (të bashkohemi) te një fjalë që është e
njëjtë (e drejtë) mes nesh dhe mes jush: Të mos adhurojmë, pos Allahut,
të mos ia bëjmë Atij asnjë send shok, të mos e konsiderojmë njëri - tjetrin
zotër pos Allahut”! E në qoftë se ata refuzojnë, ju thoni: “Dëshmoni pra, se ne
jemi muslimanë (besuam një Zot)”! (Sure Ali Imran, 3: 64).
Ebu Sufjani shtoi: “Pasi Herakliu mbaroi fjalimin e
tij, u bë një gjurulldi dhe britma të larta të shkaktuara nga funksionarët e
lartë që rrethonin Herakliun dhe filloi një zhurmë kaq e madhe sa unë nuk e
kuptova se çfarë po thonin. Ne u urdhëruam të dilnim jashtë oborrit. Pasi dola
jashtë me shokët e mi dhe ne të gjithë u gjendëm vetëm, unë u thashë atyre: Me
të vërtetë çështja e Profetit a.s. ka fituar shumë pushtet. Ky është mbreti i
Beni El-Asfar që i druhet atij.
Ebu Sufjani shtoi përsëri: “Pasha Allahun xh.sh., unë
po bëhesha më se i sigurt që besimi i tij do të dalë fitimtar deri sa unë
përfundova duke pranuar Islamin.” (Buhariu nr. 2782)
Comments
Post a Comment