Ariu, dhelpra dhe ujku

Ariu, dhelpra dhe ujku

Ariu e kishte gjet mirë me ujkun për ditë i zinte shtegun dhe i kërkonte cigare. Kur ujku i jepte cigare pa filtër ai i thoshte, pse nuk ke cigare me filtër, dhe e shqepte në dru. Kur ujku i jepte cigare me filtër ai i kërkonte cigare pa filtër, e kështu ujku hante prapë dru.

Ujku i shkretë nuk dinte si t’ia bënte, se duhej të kalonte atij shtegu pa derman dhe iu drejtua dhelprës si dinake që është për këshillë. Dhelpra e dinte të gjithë historinë dhe se kjo gjë zgjaste prej shumë kohësh, prandaj e këshillon e i thotë:

-Kur të kërkoj ariu cigare ti mbaj dy paketa, nje me filtër dhe një pa filtër, dhe ti jepi atij atë do të kërkojë, nëse e kërkon me filtër ti zgjatja, e kështu... e more vesh?

-Po e mora vesh,- i thotë ujku dhe pa humbur kohë shkon merr dy paketa një me filtër e një pa filtër. Shkon drejt shtegut nga kalonte për ditë dhe sheh aty ariun që po e priste si zakonisht. Sapo afrohet ariu i thotë:

-A ke cigare me?...- dhe ujku pa e mbaruar mirë fjalën ariu i zgjat të dyja paketat dhe i thotë:

-Urdhëro, si i do, me filtër apo pa filtër?

Ariu e pa dhe zgurdulloi sytë, ndërsa ujku mendoi, se ia hodhi ariut. Ariu e pa lart e pa poshtë ujkun, u mendua dhe i tha:

-Prapë pa kapele ti????!!!!....- dhe e rrahu përsëri pa ia bërë të gjatë muhabetin.