Hoxhe Nasredini
Rabini çifut, prifti i krishterë dhe
Nasradin Hoxha
Një ditë Nasradin Hoxha
kishte ftuar një rabin dhe një prift për darkë dhe për të biseduar me njëri-tjetërin.
Kur po bisedonin Nasradini sjell një tavë të madhe me bakllava, që dukej se
ishte përgatitur mirë, dhe shumë e shijshme. Ai e vuri në mes të sofrës dhe iu
tha bujrum mysafirëve, mirëpo rabini mbajti frymën fort ngriti dorën lart dhe i
tha dy të tjerëve:
-Unë jam përfaqësuesi i
popullit të zgjedhur nga Zoti në tokë, prandaj më takon mua ta haj bakllavanë,
e juve s’keni për të ngrën asnjë thërrime!
-Jezu Krishti vdiq për
mua në kryq, për të larë gjynahet e mia; unë e besoj atë e ju nuk e besoni, kështu
që mua më takon ta hajë të gjithë bakllavanë e t’iu lej juve vetëm thërrimet...
Vazhduan të zihen, se
kush do ta hante bakllavanë, e më në fund ranë dakord që të bien të flenë, e më
pas kush do ta shohë pejgamberin e vet në ëndërr: ai edhe do ta hajë bakllavanë.
Pasi u zgjuan në mëngjes
dhe i lanë sytë rabini iu tha atyre:
-Lejini llafet, kam parë
në ëndërr Moisiun (Musain), dhe kështu bakllavaja është e imja e juve nuk ju
takon gjë...
-Unë e pashë Jezu
Krishtin (Isain) në ëndërr, bakllavaja është e imja, do ta haj unë dhe ju ashtu
si thuhet në Bibël “thërrimet jepjuani qenve” pra juve që nuk jeni të krishterë,
juve vetëm ato mund të hani...
Të dy këta vazhduan të
zihen e ngatërrohen, ndërsa Nasradin Hoxha po rrinte shumë i qetë dhe i ndiqte
me vëmendje të madhe rabinin dhe priftin se çfarë po thonin. Ata po ziheshin
ashpër me njëri-tjetrin, kur u kujtuan për Nasradinin dhe iu kthyen dhe e pyetën:
-Po ti, o Hoxhë, çfarë
thua?
-Unë e pashë Pejgamberin
alejhi selam në ëndërr. Ai më tha:
-Zgjohu dhe haje
bakllavanë,- dhe unë u zgjova dhe e hëngra...
Comments
Post a Comment