Profeti ishte i dhembshur me umetin
DUAJA E PEJGAMBERIT, sal-lalahu
alejhi ue selem, PËR UMETIN DHE TË QARËT E TIJ NGA DHEMBSURIA PËR TA
Abdullah Ibën Amër ibën Asi na përcjell, se Pejgamberi,
sal-lallahu alejhi ue selem, e lexoi Fjalën e Allahut, që tregon për Ibrahimin,
alejhi selam, ku thuhet: “Zoti im! Ata
vërtet i shmangin (nga rruga e
drejtë) shumë njerëz. E kush më respekton mua, ai është i imi (në fe),
e kush më kundërshton mua, atëherë Ti je që fal dhe që mëshiron.” (Ibrahim: 36), kurse Isa, alejhi selam, ka thënë: “Nëse
i dënon ata, në të vërtetë ata janë robërit e Tu, e nëse ua fal atyre, Ti je i
Gjithëfuqishmi, i Urti.” (Maide: 118). Atëherë
Pejgamberi, sal-lallahu alejhi ue selem, ngriti duart e tij dhe u lut: “O Zot,
umeti im, umeti im...” dhe pastaj filloi të qajë. Allahu pastaj tha: “O
Xhibril, shko tek Muhamedi dhe pyete pse qan,- edhe pse Allahu është i
Gjithëdijshëm për të. Xhibrili erdhi dhe e pyeti. Pastaj i tregoi Allahut edhe
pse Ai e dinte shkakun. Zoti ja ktheu: “O Xhibril, shko tek Muhamedi dhe
thuaji: “O Muhamed... Ne do të kënaqim (me gjykimin, sjelljen, faljen tonë,
etj.) në umetin tënd dhe assesi nuk do të mërzisim tek ata.”
Këtë hadith e shënon vetëm imam Muslimi me nr: 497.
Komentimi:
Në këtë hadith përmenden fjalët e dy pejgambereve të
Allahut, Ibrahimit dhe Isait, të cilët u lutën për umetet e tyre.
Hadithi përmbledh në vetvete shumë dobi të rëndësishme:
1-Dhembshuria e madhe që Pejgamberi Muhamed, sal-lallahu
alejhi ue selem, kishte për umetin e tij. Interesimi i tij për umetin, për
sjelljen e mirësive deri tek ta, etj.
2-Ngritja e duarve gjatë bërjes së lutjeve-duave.
3-Përgëzimi i madh, që i bëri Allahu këtij umeti, duke
treguar se Allahu do t’u japë aq shumë mirësi sa Muhamedi, sal-lallahu alejhi
ue selem, do të kënaqet me këtë gjë. Ky hadith që përmend këtë pjesë të fundit
të tij është prej haditheve më shpresëdhënëse për Umetin Islam.
4-Hadithi tregon pozitën e lartë që ka Pejgamberi,
sal-lallahu alejhi ue selem, tek Zoti.
5- Dashuria dhe butësia e madhe e Allahut, që ka për
Muhamedin, sal-lallahu alejhi ue selem, pasi ka dëshirë që të dërguarin e Tij
ta kënaqë, ashtu si është më e mira.
6- Dërgimi i Xhibrilit, alejhi selam, për ta pyetur
tregon se Allahu dëshiron me çdo kusht ta gëzojë Pejgamberin tonë, sal-lallahu
alejhi ue selem, duke i dhuruar gjëra me të cilat ai gëzohet.
7- Ky hadith është i ngjashëm me Fjalën e Allahut në
Kuran: “E Zoti yt do të të japë ty, e ti do të kënaqesh.” (Duha: 5).
(Sahihu
Muslim me koment të Neveviut. Vëllimi 3, fq. 73-74. Shtëpia botuese: “Dar Marife-Bejrut-botimi
7, viti 2000”)
Përshtati:
Lulzim
Memet Susuri
12.9.2012
Comments
Post a Comment