Dinastia Abaside
Dinastia Abaside
Abasidët - (750-1258) Abasidët është një nga dinastitë e
mëdha kalifale që diktuan për shekuj të tërë një nga perandoritë më të
suksesshme islame. Ato erdhën në fuqi pasi shkatërruan një tjetër dinasti të
shkëlqyer atë umajade. Umajadët u shkatërruan nga grupe të kombinuara Shiite,
iraniane, muslimane e jo-muslimane të pakënaqura nga regjimi umajad.
Kryengritësit udhëhiqeshin nga familja abaside, pasardhës të Profetit Muhamed
nga xhaxhai i tij Abasi. Qysh nga viti 718 abasidët përgatiteshin të merrnin
drejtimin e kalifatit, duke dërguar agjentë në pjesë të ndryshme të Perandorisë
Muslimane për të bërë propagandë kundër umajadëve. Më 747 kishin siguruar
mbështetje të mjaftueshme për të organizuar një kryengritje në veri të Iranit,
Horasan, e cila çoi në shpartallimin e umajadëve tre vjet më vonë. Abasidët e
lëvizën kryeqytetin e perandorisë në Bagdad dhe morën shumë nga ceremonitë dhe
madhështia e ish-mbretërve persianë për oborrin e tyre. Duke filluar më 750 me
Ebu Abasin, kalifati abasid do të zgjasi pesë shekuj dhe është dinastia islame
më e famshme që ka zgjatur më shumë. Abasidët u bën kujdestarë të arsimit dhe
inkurajuan ndjekjen e fesë. Ata ishin sundimtarët e parë që u bënë udhëheqës të
qytetërimit islam dhe mbrojtës të fesë. Nën kalifatin e tyre Bagdadi e
zëvendësoi Medinen si qendër të aktivitetit teologjik, tregëtar dhe industrial
duke marrë një zhvillim të madh dhe duke bërë kështu që Perandoria Islame të
mbrrijë pikun e zhvillimit të saj intelektual dhe material. Kalifët e shekujve
të 8-të dhe të 9-të Harun Er-Rrashidi dhe djali i tij Abdullah El-Memuni u bënë
veçanërisht të famshëm për inkurajimin e talenteve intelektuale dhe për
shkëlqimin e oborreve të tyre. Gjatë sundimit të tyre dijetarë të ndryshëm u
ftuan në oborr për të debatuar për çështje të ndryshme dhe u bënë përkthime nga
greqishtja, persishtja dhe sirishtja. Gjithashtu u shkëmbyen ambasada me Karlin
e Madh, perandorin e Perëndimit. Nga fundi i shekullit të 9-të kalifët abasidë
e rritën dukshëm delegimin e përgjegjësive administrative, ministrave të
shtetit dhe funksionarëve të tjerë qeveritarë, duke humbur kështu kontrollin
kundrejt tyre. Shkatërrimi i dinastisë abaside nuk erdhi nga brenda botës
muslimane, por nga jashtë kur al-Mustasimi u shkatërrua nga invadimi Mongol me
në krye stërnipin e Xhengis Khanit, Hulagun. Abasidët në Kairo
(1261-1517) Kur Mongolët plaçkitën Bagdadin më 1258 dy anëtarë të
familjes abaside shkuan në Egjipt, ku u strehuan nga Bejberi I, sulltani
mamluk. Ata u caktuan kalifë njëri pas tjetrit nga sulltani; por atyre iu lejua
të marrin përsipër vetëm detyrime fetare dhe pasardhësit e kalifit të dytë
mbetën të pafuqishëm politikisht nën sulltanët mamlukë.
Dinastia abaside
Safah 749-754
Mensur 754-775
Mehdi 775-785
Hadi 785-786
Harun Er-Rashidi 786-809
Emin 809-813
Me'mun 813-833
Mu'tesim 833-842
Vathik 842-847
Mutevekil 847-861
Muntesir 861-862
Muste'in 862-866
Mutaz 866-869
Muhtedi 869-870
Mu'temid 870-892
Mu'tedid 892-902
Muktefi 902-908
Muktedir 908-932
Kahir 932-934
Radi 934-940
Muteki 940-944
Mustekfi 944-946
El-Mutiu 946-974
El-Ta'i 974-991
Kadir 991-1031
Kajim 1031-1075
Muktedi 1075-1094
Mustez'hir 1094-1118
Mustershid 1118-1135
Reshid II 1135-1136
Muktefi 1136-1160
Mustenxhid 1160-1170
Mustedi' 1170-1180
Nasir 1180-1225
Zahir 1225-1226
Mustensir 1226-1242
Muste'sim 1242-1258
I vrarë nga Mongolët
Comments
Post a Comment