Shtypen liritë fetare ne Kine
Shtypen liritë fetare: Imamët kinezë detyrohen me forcë të
kërcejnë në rajonin e Ksin-Jangut
Ksin-Jang: Në një përpjekje tjetër për shtypur liritë
fetare Kina i detyron me forcë imamët rajonit të vet lindor me shumicë myslimane
të kërcejnë në rrugë dhe të betohen, se ata nuk do t’ua mësojnë fenë fëmijëve.
Imamët janë detyruar gjithashtu t’iu thonë fëmijëve që
falja është e dëmshme për shpirtin. Imamët muslimanë janë detyruar më tej të
thonë me zë të lartë sloganin: “Fitimet tona vijnë nga Partia Komuniste e Kinës
dhe jo nga Allahu.”
Në lajmet shtetërore kineze thuhet, se imamët i kanë
mbledhur në një shesh në emër të civilizimit, ku ata janë detyruar të kërcejnë
dhe të këndojnë slogane në mbështetje të shtetit. Sloganet përfshijnë deklarime
që glorifikojnë shtetin mbi fenë si fjala vjen “paqja e atdheut i jep paqe
shpirtit”.
Janë mbajtur fjalime, të cilat i janë drejtuar rinisë që
t’i qëndrojnë sa më larg xhamive dhe që falja është e dëmshme për shëndetin. Në
vend të faljes ata janë inkurajuar të kërcejnë e vallëzojnë. Mësueset femra janë
instruktuar, që t’i mësojnë fëmijët të rrinë sa më larg edukimit fetar dhe i
kanë detyruar të betohen, se do t’i mbajnë fëmijët sa më larg nga feja. Ju
kujtojmë se para pak kohësh një gjykatë kineze ka burgosur një çift bashkëshortësh,
burrin me 6 vite burg për shkak të mjekrës dhe gruan me 2 vite për shkak të
mbulesës islame.
Muslimanët ujgurë janë një minoritet turqisht-folës prej
8 milionë banorësh në rajonin very-perëndimor të Ksin-Jangut. I njohur
gjithashtu si Turkestani Lindor ky rajon ka fituar autonominë që nga 1955, por
që ka qenë vazhdimisht subjekt shtypjeje i të drejtave dhe lirive njerëzore nga
autoritetet kineze. Grupet e të drejtave të njeriut i akuzojnë rregullisht
autoritetet kineze për represion fetar ndaj Ujgurëve Muslimanë në Ksin-Jang në
emër të anti-terrorizmit. Në gusht të vitit që shkoi në qytetin verior të
Ksin-Jangut, Karamaj u ndaluan të rinjtë me mjekra dhe gratë e mbuluara me
hixhab të hipin në autobuzët publikë. Ngjashëm në të gjithë Ksin-Jangun u
ndalua praktikimi i fesë në ndërtesat qeveritare, po ashtu edhe veshja e rrobave
apo logove të lidhura me ekstremizmin fetar nëntorin që shkoi. Vitin që shkoi
Kina ua ndaloi studentëve dhe stafit qeveritar të agjërojnë muajin e Ramazanit,
dhe i ka inkurajuar vendaset të mos mbajnë mbulesë. Të shokuar nga ky incident
i shëmtuar shumë njerëz kanë shprehur indinjatën e tyre nëpërmjet rrjeteve
sociale.
Comments
Post a Comment