Besimet e Muselmanve
Besimet e muselmanve
Hafiz Ibrahim Dalliu rahmet paste
Dini Islam
Dini Islami i dëlirët
 nji kanun i Perëndishëm
Që me ândjet t’vet në t’mirët
I shtynë mentarët e mrrishëm
Ndër gjithë fenat dini islami
 i ndërmjetshëm e mâ i ploti
Dhe i natyrshëm, çue ma s’mrami
Fort i pëlqyshëm ke Zoti
Për s’tepri âsht i mbarueshëm
Sa të lavdohet i ka hije
Dy jetat i shkon lumnushëm
Ai që e mban fije për fije
Pra ata janë Muselmana
Që i besojnë Resulull-llahut
I besojnë dhe ata të tana
Që i ka prue ai prej All-llahut
Sheshit Islam ata njihen
Që binë m’shehadet me gojë
Bâjnë dhe pes farzet që dihen
E nuk i lanë pa nevojë.
Me kto bashkë ata numrohen
Që dunë m’e mbajtë gjithnji besën
Ke Zoti nuk ç‘kujdesohen
Dhe prej tij s’e hjekin shpresën
Kush ndoj gjâ t’fesë t’a mohojë
Ose t’a çnderojë me fjalë
Kush Islam mos t’a numrojë
Se ai prej dinit ka dalë.
Shtyllat e Imanit
Besova Zotn e Mâdhnueshëm,
Engjëjt, dhe librat e atij,
Dhe Pejgamberët e forcuëshëm
Me (Muxhize) mrekullij
Edhe ditën e Mahsherit
Që do t’njallmi t’shifen punët,
I besova edhe kaderit:
Vin prej Zotit t’mira e dhunët.
Nji me kta gjasht sende mblidhen
Gjitha çâshtjet e besimit
Zemrat t’ona me kta lidhen
Tu’i thanë kshtu pafar ndryshimit.
Besimi në Zotin e vërtetë
Besimi n’Zotn e vërtetë
Bâhet si ka ba vetë emër
Që âsht nji pa shoq e t’metë
Kshtu m’e vërtetue me zemër.
Zot! të dimë m’ata sifate
Që n’Kurant na i ke kallxuë
Nuk t’a mendojmë vehten T’Ate
Se s’mundemi m’e kuptue.
Mjafton për ne kshtu me t’ditë
Me ata emna e vetija
Me kaq’ dije e kaq’ dritë
Na gënjen mendja e vetëdija.
Zot’ ynë ka mâ t’bukurit emna
Thirret orë e m’ças gjithkundi
Ka dhe mâ t’plotët mbiemna
Madhnisë Tij s’i gjindet fundi.
Comments
Post a Comment