Java në një ditë- ALBANIA FM 3 maj 2014
Java në një ditë 3 maj 2014
Selam alejkum të nderuar dëgjues
të ALBANIA FM radios në 90,4 mgh, nga unë
Roald Hysa. Në këto ditë të para të majit po shohim që ritmi i gjëra të
papëlqyera po rritet për ditë e më shumë. Nga java në javë tonet e nxehta të debatit
nuk kanë njohur veçse rritje. Po ashtu edhe problemet e hallet tona. Politika
dhe debatet e saj vazhdojnë me një ritëm përherë e më të nxehtë, ndërsa
njerëzit po mbeten në rolin e spektatorit të thjeshtë e janë mpirë e ngjeshur nëpër
karriget e shtëpive apo të kafeneve. Dikush grabit xhiron ditore të një
supermaketi të madh dhe gjëja e parë që bën ky njeriu, shkon dhe e luan në
bixhoz e aty normalisht edhe kapet nga forcat e rendit. Një baba i dy vajzave
humbet sasi të mëdha parash në bixhoz shkon e pret damarët dhe i le në mjerim të
plotë vajzat e tij. Epo kjo nuk është zgjidhje e problemeve për fëmijët e tu
duke i lënë me një njollë e me borxhe në kurriz. Drama familjare shkon edhe më
tej; një nënë e re mbyt fëmijën e saj, se as burri i saj, as dashnori i saj nuk
ia pranonin fëmijën. E shkreta ka humbur mendjen dhe në një moment depresioni e
vret si pa gjë të keqe. Po ç’faj kishte kjo foshnje e pambrojtur. Nga kush
duhet të mbrohemi më parë?!... Ndërkaq papunësia është një nga mënyrat se si
njerëzit nuk mund të mbrohen. Nga një anë është qeveria që e bën fushë me lule
me arritjet, nga ana tjetër njerëzit nuk po shohin dritë në fund të tunelit.
Gjithsesi ne vazhdojmë të jemi të pranishëm në hapësirën valore dhe internetare
për t’ju përcjellë ato që kemi përzgjedhur për ju në këtë javë...
Mbyti me jastëk foshnjën, 30-vjeçarja: E kisha me
të dashurin, kisha 2 vite pa e parë burrin
Oriola Lleshi pranoi para ekspertëve hetimorë, se e kishte kryer vrasjen e
foshnjës së saj në kushte të rënda depresive. Ajo ka shprehur pendesë për
krimin e rëndë teksa ka pranuar, se fëmija nuk ishte e bashkëshortit të saj,
por fryt i një historie dashurie, që ajo e kishte nisur me një djalë shumë më
të ri në moshë se ajo. “E mbyta
djalin me jastëk sepse doja të shpëtoja martesën time dhe situatën ku
ndodhesha. Nuk doja të ndahesha nga bashkëshorti im, Tani, i cili ndodhet
emigrant në Greqi. Edhe pse kisha bërë një gabim duke e tradhtuar atë, sërish
unë doja ta shpëtoja martesën”, -është shprehur në Policinë e Elbasanit 30-vjeçarja
e arrestuar për vrasjen e foshnjës së saj. Madje ajo ka dëshmuar në polici edhe
rreth lidhjes së saj jashtëmartesore. Ajo ka treguar edhe emrin e të dashurit
të saj, një djalë nga i njëjti fshat, i cili më pas është shoqëruar në polici.
Por pasi është marrë në pyetje, ai është lënë i lirë pasi nuk ka prova që e
implikojnë në këtë krim. “Isha në kushte të rënda depresive që kur e linda
Mateon.”- është shprehur 30-vjeçarja. Fqinjë
të familjes Lleshi kanë pohuar, se i gjithë fshati ishte në dijeni të marrëdhënies
jashtëmartesore të Oriolës. Madje ata pohuan se ishin në dijeni edhe të
kërcënimeve të saj nga ana e të dashurit. “Ai ishte më shumë se 10 vjet më i ri
se ajo. Oriola ishte kërcënuar nga i dashuri i saj, se ai do të vriste edhe
fëmijën, edhe njerëzit e burrit të saj, ndërsa i thoshte se do ta merrte atë,
por pa fëmijë, pasi mendonte se fëmijën Orjola e kishte me bashkëshortin e saj. Policia e Elbasanit ka marrë në pyetje
edhe të dashurin e 30-vjeçares. Siç mësohet, ai ka pranuar se ka qenë i lidhur
me Oriola Lleshin, por ndërkaq ka qenë i paqartë në deklarimet e tij në lidhje
me fëmijën. Ai është lënë i lirë pasi nuk ka prova që ta implikojnë atë në
shkaktimin e ngjarjes, por do të rimerret në pyetje pasi ka të dhëna se ai e ka
kërcënuar të dashurën e tij në lidhje me fëmijën dhe familjen e saj, çka mund
të ketë ndikuar në rëndimin e gjendjes psikologjike të gruas që shkaktoi
tragjedinë. Kjo është një fabul për një
telenovelë me 100 seri. Dhe në përfundim të saj e pëson një foshnje e pafajshme
për budallallëkun e nënës së vet... si do të jetojë kjo grua deri sa ti vijë
dita për të vdekur, e më pas si do të përgjigjet përpara Zotit, kur të vijë ajo
ditë e rëndë???
Raporti i Freedom House për lirinë e medias:
Shqipëria liri të pjesshme, në vendin e 98-të
Raporti i fundit i Freedom House e rendit Shqipërinë, si vend me liri të
pjesshme për sa i përket lirisë së medias. Në të njëjtin vend renditet edhe
Kosova. Shtetet e shqiptarëve,
Shqipëria dhe Kosova renditen në vendin e 98 në mesin e 197 vendeve. Kujtojmë
se një vit më parë Shqipëria renditej në vendin 96, ndërsa Kosova radhitej e
102-ta, citon Zëri i Amerikës. Ato kanë nga 49 pikë në vlerësimin e
Freedom House ku shkalla 0 është rezultati më pozitiv, ndërsa shkalla 100 është
pika më e ulët. Në rajonin e
Evropës juglindore Serbia është e 74-ta, Mali i Zi në vendin e 78-të, Kroacia
në vendin e 83-të. Ndërsa Bosnja dhe Hercegovina dhe Maqedonia radhiten pas
Shqipërisë dhe Kosovës në vendin 103, përkatësisht 122. Freedom House vlerëson, se liria e
medies ka shënuar rënien më të madhe në dhjetëvjetëshin e fundit. Vetëm një në
shtatë njerëz jeton në vendet me media të lirë. Rënia është nxitur pjesërisht nga
zhvillimet në disa shtete të Lindjes së Mesme, duke përfshirë Egjiptin, Libinë,
dhe Jordaninë, problemet në Turqi, Ukrainë, dhe në një numër vendesh në Afrikën
lindore, si dhe përkeqësimi në mjedisin relativisht të hapur mediatik të
Shteteve të Bashkuara. Vështirë se mund të gjehen medie të lira në ditët e
sotme, në një kohë kur janë kthyer në armë vrasëse politike. Ky është dëmi më i
madh që mund t’i bëhet një media... media pa ndërshmëri vështirë se mund të
ndërtohen dhe janë gazetarët të parët që duhet të edukohen se si ta përcjellin
lajmin, për më tepër këtu në Shqipëri ku shitet e blihet gjithçka...
INSTAT: Papunësia në Shqipëri vazhdon të rritet,
problem të rinjtë e papunë
Papunësia në vend është rritur. Të dhënat e Institutit të Statistikave
tregojnë, se gjatë vitit 2013, niveli i papunësisë arriti në 15.6%, duke
shënuar një rritje vjetore prej 2.2%. Papunësia
rezulton më problematike tek të rinjtë. Sipas INSTAT-it, shkalla e papunësisë
te të rinjtë e moshës 15-34 vjeç është 30.2%, duke u rritur me 2.3% kundrejt
vitit të mëparshëm. Gjatë 2013-ës
pati një rritje të shkallës së papunësisë për personat me arsim të lartë me
rreth 1.8%. Duke analizuar shkallën e papunësisë sipas nivelit arsimor, në
tregun e punës në Shqipëri vihet re që shkalla e papunësisë është më e lartë
për personat me arsim të lartë, me 14.7% se sa për personat me arsim bazë apo 8
dhe 9-vjeçar. Një tjetër tipar
dallues i tregut shqiptar të punës është pjesa relativisht e lartë e të
papunëve të dekurajuar, të moshës 15-64 vjeç, të cilët në vitin 2013 përbënin
23% të të gjithë individëve ekonomikisht joaktivë, qofshin këta meshkuj apo femra. Instituti i Statistikave konstaton se
gjatë vitit që lamë pas, krahasuar me vitin e mëparshëm, numri i të punësuarve
u ul me 11.2%. Sipas të dhënave zyrtare, pothuajse 3 në 7 të punësuar me pagë
punuan në një nga pesë sektorët kryesorë të ekonomisë, si ndërtimi,
administrata publike, industria përpunuese, arsimi dhe tregtia me shumicë dhe
pakicë. Punësimi është dominuar nga sektori bujqësor dhe nga ai i shërbimeve. E pra ndryshimi i pushteteve rezultoi me
rritje të papunësisë. Edhe në këto momente që po flasim shohim se papunësia
vazhdon të rritet me gjithë përpjekjet e qeverisjes për ta ulur sadopak atë.
Mirëpo kjo gjë ka koston e vet sociale, e cila po shihet me problemet e
ndryshme brenda familjes dhe rritjen e varfërisë në ekstrem...
Rama në Serbi, Veliaj: Është vizitë historike për
heqjen e barrierave
Në një intervistë për gazetën “Illyria” në Shtetet e Bashkuara, Ministri i
Mirëqënies Sociale dhe Rinisë, Erion Veliaj ka folur për vizitën zyrtare që
Kryeministri Edi Rama pritet të zhvillojë në Beograd. Duke e konsideruar një vizitë
“historike”, Veliaj bën të ditur edhe çështje të cilat pritet të diskutohen
gjatë takimeve të Kryeministrit shqiptar me zyrtarë të lartë në Serbi. “Gjykoj që jemi në një fazë të re të
marrëdhënieve në Ballkan. Kryeministri shqiptar, Edi Rama, po përgatitet për
udhëtimin e tij në Serbi. Do të jetë një vizitë historike e një kryeministri
shqiptar, kam përshtypjen që në mes të viteve ‘40”, - shprehet ministri. Duke u ndalur te bashkëpunimi me
Luginën e Preshevës në aspektin ekonomik, Veliaj bën të ditur se kemi filluar
procesin e ndryshimit të legjislacionit, që heq lejet e punës për të gjithë
qytetarët e Luginës së Preshevës, për ta bërë mobilitetin ekonomik dhe
mobilitetin e punës diçka më të thjeshtë. “Duhet të synojmë për të rritur
investimet dhe për të mbështetur ata që duan të investojnë në Luginën e
Preshevës”, thotë ministri, duke shtuar se është e vetmja mënyrë afatgjatë
përtej le të themi granteve dhe donacioneve që mobilizon dikë që të investohet
në një vend të caktuar në jetën e tij. “Nëse
ekonomia çedon, atëherë çdo gjë tjetër janë serume që nuk mjaftojnë. Ndaj dhe
gjykoj që edhe qeveria e ka parasysh që investimet e të ardhmes duhet të jenë
ato që stimulojnë ekonominë në Luginën e Preshevës”,- u shpreh ai. I pyetur nëse qeveria shqiptare është
ndikuese, që udhëheqja politike në Luginën e Preshevës, të marrin pjesë në
proceset e ndryshëm zgjedhorë, vendorë apo të përgjithshëm republikanë të
Serbisë, ministri gjykon se “fitojmë më shumë duke marrë pjesë dhe duke kërkuar
në tryezën e vendimmarrjes më shumë për interesat tanë se sa duke e deleguar
vendimmarrjen vetëm në autoritetet serbe dhe duke pritur lëmoshën për çështje
fondesh, për çështje investimesh apo për politika zhvilluese”. Sa mirë, i kemi zgjidhur të gjithë hallet që
kemi, tashti po shkojmë në Serbi të zgjidhim edhe hallet e Preshevës. Ndërkohë
që në Preshevë e Medvegjë vajzat me shami hyjnë në shkollat e mesme e kudo
lirisht, madje Feja Islame mësohet në Shkollat shtetërore lirisht; në atdheun mëmë
e në Kosovë kemi një realitet tjetër. Me të vërtetë që politikanët shqiptarë
duke shkuar në Serbi kanë se çfarë të mësojnë!...
Humb lekët në bixhoz pret damarët dhe vdes
menaxheri
Një ngjarje e rëndë është regjistruar në kryeqytet, ku një menaxher i
ka dhënë fund jetës duke u vetëvrarë. Gjithçka ka ndodhur në banesën
e tij, pranë Prokurorisë së Tiranës, aty ku familjarët e kanë gjetur të pajetë
Lulzim Saliasin 42 vjec. Nga burimet zyrtare të policisë, Saliasi, menaxher
në linjën e shoqërisë së autobusëve të Unazës së Tiranës është
vetëvrarë duke prerë damarët. Burime nga hetimi thonë se Saliasi dyshohet
të ketë humbur sasi të konsiderueshme parash në lojëra fati, çka e ka zhytur në
depresion.
Ai kishte planifikuar të pinte një kafe në një nga lokalet afër banesës, pranë prokurorisë së Tiranës me nipin dhe bashkëshorten rreth orës 9:00 të mëngjesit. Këta pasi e kanë pritur dhe ai nuk ka mbërritur, që prej mëngjesit familjarët e 42-vjecarit tentonin ta telefononin, por pa mundur të lidhen me të. Kur kanë shkuar në banesën e tij, kanë shqyer derën dhe e kanë gjetur të pajetë menaxherin. Nga të dhënat e parë të policisë, bëhet me dije se Saliasi ka lënë edhe një letër sqaruese për familjarët. Po të njëjtat burime zbardhin edhe përmbajtjen e letrës së lamtumirës që Saliasi la për familjen. Në letër ai shprehte pendesën e thellë dhe ju kërkonte falje familjarëve për aktin e rëndë. 42-vjeçari i linte bashkëshortes amanet dy vajzat e tij dhe i kërkonte që të kujdesej për to. Sipas policisë, arsyet që e kanë shtyrë drejt vrasjes dyshohet të kenë qenë borxhet e pashlyera që ka pasur, të paktën kështu kuptohet nga letra.
Ai kishte planifikuar të pinte një kafe në një nga lokalet afër banesës, pranë prokurorisë së Tiranës me nipin dhe bashkëshorten rreth orës 9:00 të mëngjesit. Këta pasi e kanë pritur dhe ai nuk ka mbërritur, që prej mëngjesit familjarët e 42-vjecarit tentonin ta telefononin, por pa mundur të lidhen me të. Kur kanë shkuar në banesën e tij, kanë shqyer derën dhe e kanë gjetur të pajetë menaxherin. Nga të dhënat e parë të policisë, bëhet me dije se Saliasi ka lënë edhe një letër sqaruese për familjarët. Po të njëjtat burime zbardhin edhe përmbajtjen e letrës së lamtumirës që Saliasi la për familjen. Në letër ai shprehte pendesën e thellë dhe ju kërkonte falje familjarëve për aktin e rëndë. 42-vjeçari i linte bashkëshortes amanet dy vajzat e tij dhe i kërkonte që të kujdesej për to. Sipas policisë, arsyet që e kanë shtyrë drejt vrasjes dyshohet të kenë qenë borxhet e pashlyera që ka pasur, të paktën kështu kuptohet nga letra.
Greqi, “Celulat e
zjarrit”: Bomba në polici kundër vrasjes së shqiptarit Ilia Kareli
Organizata
“Komploti i celulave të zjarrit” merr përsipër vendosjen e lëndës shpërthyese
disa ditë më parë, në komisariatin e policisë së Iteas në Greqi, ku u mbajt për
disa orë shqiptari Ilia Kareli, para se të dërgohej në burgun e Nigritës, ku
gjeti edhe vdekjen. Në njoftimin
e vet, “Komploti i celulave të zjarrit”, shkruan se u zgjodh pikërisht policia
e Iteas, sepse aty është rrahur dhe torturuar i dënuari Ilia Kareli, para se
t’iu dorëzohej rojeve të burgut të Nigritas. Sipas organizatës, ajo që ndodhi
në policinë e Iteas është fshehur qëllimisht.
“Nëse muret do të kishin zë, shëmtisë do t'i vinte turp për veten”,- thuhet në njoftimin e organizatës. “Celulat e zjarrit” thonë se këtë herë shpërthimi i bombës dështoi, por në të ardhmen do të ndërmarrin veprime më dinamike. Normalisht që dhuna sjell dhunë, dhe shpresojmë që në të ardhmen të mos ketë më vrasje të tilla si ajo e Kudret Kumit apo siç njihet tashmë Ilia Karelit. Mirë dështoi ky shpërthim, por a do të dështojë shpërthimi tjetër…
“Nëse muret do të kishin zë, shëmtisë do t'i vinte turp për veten”,- thuhet në njoftimin e organizatës. “Celulat e zjarrit” thonë se këtë herë shpërthimi i bombës dështoi, por në të ardhmen do të ndërmarrin veprime më dinamike. Normalisht që dhuna sjell dhunë, dhe shpresojmë që në të ardhmen të mos ketë më vrasje të tilla si ajo e Kudret Kumit apo siç njihet tashmë Ilia Karelit. Mirë dështoi ky shpërthim, por a do të dështojë shpërthimi tjetër…
Shënimi i Javës
Fatkeqësisht
një nënë e re zgjedh rrugën më të keqe për të zgjidhur një problem, që shumë më
kollaj do të kishte qenë të divorcohej, qoftë nga i dashuri, qoftë nga
bashkëshorti. Sikur të kishte kërkuar ndihmë do të kishte vepruar më mirë, por
tashmë tragjedia mori fund, u konsumua. Mateo një foshnje e pambrojtur, nuk
akuzon vetëm nënën dhe babain e vet, por e ngren gishtin e tij të vogël ndaj të
gjithë neve. Po nesër kur do të vijë ora e madhe dhe njerëzit do të dalin para
Krijuesit çfarë do të kërkojë Mateo i vogël! Një çast dëshpërimi tragjik dhe
pasojat e tij flasin shumë për të gjithë atë që po përjetojmë si shoqëri. Një
baba 42-vjeçar vret veten si pa gjë të keq për shkak se borxhet e bixhozit e
kishin mbuluar. Në çastet e fundit kujtohet t’i lërë amanet gruas së tij dy
vajzat e vogla, të cilat qysh nga ai moment kanë mbetur jetime. E pra kishte një
punë, kishte të ardhura të mira dhe para nëpër duar, se po të mos i kishte me
çfarë do të luante bixhoz? Një tjetër situatë e pashpresë kjo; një barrë tjetër
për shoqërinë tonë. Një nënë që përfundon burgjeve dhe me një ndërgjegje e
shpirt të shkatërruar dhe një nënë tjetër, së cilës i duhet t’i rrisë vajzat e
veta jetime me vështirësi. Këto janë dramat që përjeton familja shqiptare pa zënë
në gojë këtu rreziqet e papunësisë, mungesën e një edukimi të përshtatshëm,
problemet shëndetësore e një mori hallesh të jetesës së përditshme. Krimi
brenda familjes në forma të ndryshme është kthyer në një gangrenë sociale. Për
rastet e mësipërme nuk flitet më për t’i gjykuar, se tashmë si ajo nënë vrasëse
dhe ai baba vetëvrasës e ka në gjykuar
veten dhe shtetit nuk i mbetet vetëm se ta izolojë në burg atë nënë dhe ai baba
nuk do të jetë gjë tjetër veçse një numër në statistikat. Mekanizmat shtetërore
janë të përbërë nga ingranazhe çeliku që e bluajnë njeriun dhe e konsumojnë atë
shpirtërisht. Ka ardhur koha të gjehet një zgjidhje për të gjithë ata njerëz që
janë zëri i një kolone statistikash në ministrinë e mirëqenies sociale.
Njerëzit duhet të marrin vesh se janë të rëndësishëm dhe për këtë kanë nevojë për
edukim. Njerëzit duhet ta dinë pse kanë ardhur në këtë botë, që të mos
vetëvriten, që gruaja të mos e tradhëtojë bashkëshortin e vet. Ne duhet t’iu
rrijmë sa më larg sallave të bixhozit, jo vetëm për hatër të fëmijëve tonë apo
të familjeve që kemi, por edhe për hatër të vetes, se po shihet qartas, që kemi
të bëjmë me shkatërrimin individual. Jo më kot Allahu i Madhëruar na porosit që
t’i qëndrojmë larg të gjitha veseve negative e të ulëta, si pirja e alkoolit,
tradhtia bashkëshortore, vetëvrasja e të tjera. Respektimi i prindërve dhe
mirërritja e fëmijëve kërkojnë edukim, ndërsa edukimi nis qysh në momentet e
para kur fëmija thith qumështin nga gjiri i nënës. Nëse një nënë apo një baba
respekton dhe e rrit me dashuri pjellën e vet, normal që ky investim do t’i
kthehet mbrapsht në ditët e pleqërisë. Nëse brenda familjes mbizotëron dashuria
mbi hallet dhe sprovat e jetës, pasojat e këtyre halleve do të minimizohen.
Sigurisht që hallet e njeriut nuk mbarojnë brenda ditës, porse njeriu ka shumë
nevojë t’i përballojë ato. Këtu mekanizmat shtetërore dalin jashtë përdorimit,
sepse ne kemi nevojë për një furnizues shpirtëror. Një polic vetëm se zbaton
detyrën e vet kur e fut në burg atë nënë,
dhe një funksionar i gjendjes civile shënon tek gjeneralitetet “i vdekur” për
atë baba që i la dy vajzat e veta jetime. Kush mund t’i japë dashuri atyre dy
vajzave dhe a mund t’ua kompensojë atë dashuri atërore?... druaj se do të jetë
shumë e vështirë për ato dy vajzat për sot dhe për ditët në vijim. Kjo shoqëri
ka nevojë për ushqim shpirtëror dhe t’i largohet materializmit ekstrem, që e ka
zaptuar. Kush kryen një vepër të mirë ka ndihmuar hallexhiun, por njëkohësisht
edhe vetë ai do të ndjejë një lehtësim. Kështu ai që ndihmon do të kuptojë se
me ndihmën e dhënë ka ndihmuar një fatkeq, po ashtu edhe vetveten. Shoqëria
jonë ka nevojë për moral, individi ka nevojë për moral, si mjeti më i mirë i
komunikimit shoqëror dhe këtë nuk mund t’ia japë laicizmi. Për 45 vjet u
eksperimentua një laicizëm ekstrem, i cili na solli vetëm telashe dhe probleme
pa fund. Njerëzit duhet t’i rikthehen Zotit dhe të kenë frikë orën e madhe kur
të gjithë ne do të gjykohemi e do të japim llogari. E kur foshnjat e pafajshme
do të pyesin, se përse u vranë... unë jam Roald Hysa dhe ky ishte shënimi i
javës, vazhdoni të rrini me emisionet tona; bashkë do të dëgjohemi përsëri
javën e ardhshme; deri atëherë selamu alejkum.
Comments
Post a Comment